RETO 16

RETO 16: 27 ABRIL 2020

PROBA CORPO EN FORMA: "MALABARES"

Gustaríavos aprender a facer malabares??
Comezaremos practicando cunha soa pelota (pode ser unha mandarina, unha mazá... o que teñades por casa). Se conseguides facer os exercizos cunha pasaremos a 2 e despois, a 3!!

Ímosvos compartir un vídeo moi sinxelo co que poderedes comezar a practicar.
O noso consello é que repitades unhas 10 veces cada exercizo para controlar moi ben cada paso. Preparados/as?

Pincha na imaxe!

PROBA MENTE EN FORMA: "CADÁVER EXQUISITO"

Este é un xogo empregado polos pintores surrealistas de principios do século XX para crear obras moi tolas e divertidas, estades preparados e preparadas?

Este será un debuxo en grupo, de tantas persoas como queiras:

1. O primeiro paso é coller un folio en branco e dobralo tantas veces como xogadores haxa.
2. Despois, cada xogador debuxará nunha desas dobreces sen que os demais o vexan. 
3. Por último, desdobrarase a folla e veremos o resultado final!

Antes de comezar, podedes acordar, por exemplo, debuxar unha persoa: na primeira dobrez irá a cabeza, na segunda o tronco e na terceira as pernas.

Deixámosvos algúns exemplos!

Lembra!!

1 foto túa=1 punto

1 vídeo teu=10 puntos

1 foto doutra persoa=1 punto
1 vídeo doutra persoa=10 puntos
Convida á familia e aos amigos/as a participar no reto!!